قال الفنان وليد فواز: “لو منزلتش مع الناس أغلب الوقت هصدى، لأن ذوق وتركيبة ولاد بلدنا بتختلف من وقت لآخر، وبقيت أطور من نفسى، وممكن أقوم بفتح حوار مع الناس البسيطة لمعرفة الجديد، بالإضافة لمشاهدة التليفزيون، والتواجد مع أى محاور ذكى”.
وأضاف وليد فواز خلال لقائه برنامج “التاسعة”، المذاع على القناة الأولى المصرية: “كلنا بنشتغل علشان نرضى الجمهور وهو حر فى اختياراته للممثل، المهم نسعى والباقى على ربنا، وأنا بقدر السوشيال ميديا لأنها لم تكن مجرد سلاح للتسويق فهى حاليا تقوم بتشكيل الوعى ويبنى عليها حيوات”.
وأكد وليد فواز: “السوشيال ميديا أداة للتسويق، أداة للتعايش مع العصر الحديث والعولمة، وأنا من الناس اللى اتلسعت من السوشيال ميديا فى فترة من الفترات، وتراجع عصر الجريدة الورقية أمام المواقع الإلكترونية، والحياة تتطور”.
