حدوته الارنوب للاطفال

كتابة: اية ابراهيم - آخر تحديث: 16 فبراير 2024
حدوته الارنوب للاطفال

قصص الخيال حكايات يبتدعها خيال المؤلف، قد تكون نثرًا أو نظمًا. والروايات والقصص القصيرة هي من أشهر أشكال قصص الخيال رواجًا. وتوجد أشكال أخرى لقصص الخيال مثل الدراما و القصائد القصصية (قصائد تَروِي حكاية). وقصص الخيال تختلف عن القصص غير الخيالية، مثل قصص السيرة الذاتية أو القصص التاريخية، وغيرها من أنواع

قصص جميله للاطفال
قصص جميله للاطفال

حدوتة الأرنب أرنوبو (

.
(مفيدة جدا لغرس قيمة شكر النعمة عند الأطفال)
الأرنب أرنوبو الأرنب إللي عايش في الغابة الكبيرة
مع مامته وبباه في البيت الصغير
كاان يا مكااان في سالف العصر والأوان ولا يحلي الكلام إلا
بذكر النبي عليه الصلاة والسلام
كاان فيه أرنوب جمييل خاالص عايش مع مامته وبابه في الغابة الكبيرة
كان أسمه الأرنب أرنوب
كاان أرنوب كل يوم يصحي من سريره زي الشاطر كدة ويسمع كلام مامته
ويجري علي طول علي الحمام يغسل وشه وسنانه علشان تبقا جميلة ونظيفة
وكمان بيتوضي علشان يصلي الصبح مع مامته وبباه
ولما غسل سنانه ووشه راج جري عند مامته وبباه وفضلوا يصلي معاهم
الصبح ركعتين
وبعد لما صلي الصبح قال لمامته
أرنوب : ماما يا مامتي أنا جعاان أووي يا ماما ممكن لو سمحتي تحضرلنا الفطار
مامه أرنوب : حااضر يا أرنوب علشان إنت شااطر وقلت لماما ” لو سمحتي ”
وراحت مامه أرنوب علي المطبخ وخدت الخس والجزر من الثلاجة
وغلستهم جاامد علشان تبقا نضيفة ومتجيبش أمراض
وبعد كدة راحت حطت طبق الخس والجزر الجمييل علي السفرة
بعد كدة راح أرنوب علي السفرة وشاف طبق الخس والجزر
أرنوب : يووه يا ماما أنا زهقت من الخس والجزر كل يوك كل يوم بناكل الخس والجزر
أنا زهقت بقا يا ماما وطعمهم وحش
مامه أرنوب : حراام كدة يا أرنوب تقولي علي نعمة ربنا وحشة .. وبعدين الخس والجزر دة أكل الأرانب زينا كدة
غلط يا أطفال نقول علي نعمه ربنا وحشه ربنا حياخدها مننا
وبعد كدة خرج أرنوب من بيته .. حزيين وزعلان علشان هو مش بيحب الخس والجزر
وفي الطريق قابل الأسد ملك الغاابة
سأله أرنوب
أرنوب : أزيك يا ملك الغابة ؟
الأسد : الحمد لله أنا كويس يا أرنوب
أرنوب : شوفت يا أسد أنا مش لاقي حاجه أكلها
إنت بتاكل إيه يا أسد ؟
الأسد : أنا باكل لحمة يا أرنوب .. خد حته كدة
وأدا لأرنوب حته لحمة كبيررة
أرنوب : لا شكراً يا أسد طعمها مش عاجبني
وساب أرنوب الأسد ملك الغابة
وفي الطريق قابل الزرافة الطويييلة
أرنوب : إزيك يا زرافة يا جميلة ؟؟
الزرافة : الحمد لله يا أرنوب
أرنوب : شوفتي يا زرافة أنا جعاان ومش لاقي حاجه أكلها
إنتي بتاكلي إيه يا زرافة ؟
الزرافة : أنا باكل ورق الأشجار يا أرنوب .. إتفضل
وإداته ورقه شجرة كبيرررة
أرنوب : لا شكراً يا زرافة طعمها مش عااجبني
وسابها ومشي وفي الطريق قابل الفيل الضخم
أرنوب : إزيك يا فيل عامل إيه ؟؟
الفيل : الحمد لله أنا كويس يا أرنوب
أرنوب : شوفت يا فيل أنا جعااان أووي ومش لاقي حاجه أكلها
إنتي بتأكل إيه يا فيل؟
الفيل : أنا باكل الفول السوداني يا أرنوب إتفضل واحدة
وإداله فول سوداني
أرنوب : لا شكراً يا فيل .. طعمها مش عاجبني
ومش وسابه وفي الطريق قابل القرد البني
أرنوب: إزيك يا قرد عامله إيه ؟
القرد : الحمد لله أنا كويس يا أرنوب
أرنوب : شوفت يا قرد أنا جعااان ومش لاقي حاجاه أكلها
إنت بتاكل إيه يا قرد؟
القرد : أنا باكل الموز الأصفر اللذيذ
إتفضل يا أرنوب
والقرد إدا لأرنوب موزة صفرا كبيرة
أرنوب : لا شكراً يا قرد يا بني .. طعمها مش حلو
وسابه وفضل أرنوب مااااشي مااااشي ماااشي
وبطنه بتوجعه أووووي علشان هو مفطرش
لحد لما جرري للبيت بسرعة خااالص
أرنوب : ماما أنا حاكل الخس والجزر علشان أنا بطني وجعاني أووي
مامه أرنوب : ماشاي يا أرنوب قول بسم الله الرحمن الرحيم
ومن اليوم دة تتعلم إن متقولش علي نعمه ربنا وحشه أبداً لإما ربنا حيشيلها منك
ومنتأمرش علي نعمه ربنا ونرضي بالأكل إللي بناكله
وتوته توته فرغت الحدوته
حلوة ولا ملتوتة ,وللمزيد زوروا موقعنا “لحظات

صور عن حدوته الارنوب “الجميل”

قصص للاطفال

قصص للاطفال

قصص للاطفال

قصص للاطفال

قصص للاطفال

قصص للاطفال

التالي
تفسير حلم رؤية الببغاء في المنام لابن سيرين والنابلسي
السابق
ماهي فوائد رب الخروب